"Ісік бар екен". Фариза Төреәлі Түркияда онкология бойынша тексерістен өтіп жүр
Блогер, Төреғали Төреәлінің қарындасы Фариза Төреәлі дерті туралы Instagram парақшасында бөлісті, деп хабарлайды El.kz ақпарат агенттігі.
Блогер өзінің дертіне қатысты қазақстандық дәрігерлерден мардымды кеңес ала алмағанын айтты. Бұл жағдайды білген бойда блогердің күйеуі Дархан Нортаев оның ден саулығын тексерту үшін Түркияға алып кеткен.
Неден бастарымды білмей тұрмын. Бірақ, бөліскім келіп тұр. Бәрін толық айта алмасам да, шет жағасын біліп жүріңіздер. Неге қуанышты сәттерімді бөлісе беремін дедім өзіме. Сіздер менің екінші отбасым, әрқашан қолдайсыздар, бірге қуанасыздар, бірге көп сәттерді бастан өткізіп келеміз. Қазір де кішігірім сынақтан өтіп жатырмын. Алланың мейірімі сондай шексіз, не болса да қабылдаймын. Онкология бойынша диагностикаға келдім. Елде нақты ештеңе айта алмады, бірақ өзгерістер бар екен. Нейроэндокриндік ісікке күдік бар, тексерілу керек. Аздап мән бермей жүрген едім. Дархан жай қалдыруға болмайды деп қатты кірісті. Тіпті маған айтпай Стамбулға билет алып қойыпты, - деп бастады Фариза.
Блогерге ағасы мен жеңгесі Түркиядағы жоғары деңгейдегі емханаларды таңдап берген.
Елде тексерілеміз деп қанша күн сандалдық. "Бұлай болмайды" деп Дархан барлық жолдарын қарастырды. Жарыма алғысым шексіз. Маған білдірмей, көңілі босап жүргенін байқадым. Әлем бойынша мықты онколог екен. Жақында Германиядан келіпті. Барлық анализдерді тапсырдық. Қан мен биопсия анализдерін салыстырады. Енді үш-төрт күннен кейін нәтижелері белгілі болады. Шок болып жүрмін. Бұның барлығы менімен болып жатпаған секілді. Басында түк елемедім, - деп жазды Фариза.
Бұған дейін Фариза Төреәлі күйеуі Дархан Нортаевқа 95 млн тұратын көлік сыйлағанын жазған едік.
Қысқа да нұсқа. Жазылыңыз telegram - ға