ІІМ өкілі: Биыл елімізде бала сатуға қатысты 6 факті тіркелді
Қазақстанда былтыр бала сату бойынша 19 қылмыстық іс, биылдың өзінде 6 факті тіркелген. Бұл туралы ішкі істер министрінің бірінші орынбасары Марат Қожаев Сенаттың жалпы отырысынан кейінгі брифингте айтты, деп хабарлайды El.kz ақпарат агенттігі.
Негізінен балалар еліміздің ішінде сатылады. Қандай да бір физиологиялық ерекшеліктеріне байланысты балалы бола алмайтын адамдар бар. Бұл сұранысты қанағаттандыратын адамдар да табылады, - деді Марат Қожаев.
Оның айтуынша, бала сату фактілеріне перзентханалардың, балалар үйлері қызметкерлерінің және қалауынсыз жүкті болған адамдардың қатысы бар.
Марат Қожаев бала сатумен айналысатындарға қатаң жаза қолданылатынын ескертті. Атап айтқанда, балаларды сатқан адам 18 жылға дейін бас бостандығынан айырылады.
Қысқа да нұсқа. Жазылыңыз telegram - ға