Жаңалықтар

Халықтың жағдайын түсінетін депутаттар сайланады деп үміттенемін – сайлаушы

Фото: El.kz

Фото: El.kz 19.03.2023 09:51 1177

Астанадағы №139 сайлау учаскесінің ең үлкен сайлаушысы дауыс берді, деп хабарлайды El.kz акпараттық агенттігі.

Сексен алты жастағы Кеңес Баймаханов қария осы уақытқа дейінгі өткен сайлаулардың бірде-біреуін жібермей, үнемі дауыс беріп келеді.

80 жыл бойы Ақмола облысында тұрып, халқымыз үшін қызмет еттім. Енді еліміздің жағдайын жақсарту мақсатындағы өз міндетімді сезіне отырып сайлауға келдім. Сайлаудың мен үшін маңызы зор. Оған кішігірім болсын өз үлесімді қосқым келді, - деді ақсақал.

Қарт сайлаушы осы сайлаудан кейін қандай өзгеріс күтетінін де айтты.

Сайлаудан кейін лайықты депутаттар сайланады деп үміттенемін. Барынша халқының жағдайын түсінетін, үніне құлақ асатын, болашағын ойлайтын азаматтардың сайланғанын қалаймын, - деді.

Бөлісу: