Халықаралық ұйымдар мен шет мемлекеттердің делегацияларымен кездесу басталды
Бұл туралы Орталық сайлау комиссясы мәлімдеді
Қазақстан Республикасы Президентінің сайлауы қарсаңында ҚР ОСК Төрағасы Нұрлан Әбдіров ТүркПА-ның құқықтық мәселелер және халықаралық қатынастар жөніндегі комиссиясының төрағасы Эрол Кая бастаған түркітілдес елдер Парламенттік Ассамблеясы және ИЫҰ Бас хатшылығының Азия департаментінің директоры Ахмед Сарир бастаған Ислам Ынтымақтастығы Ұйымы делегацияларымен кездесті, деп хабралайды El.kz.
Бұл туралы Орталық сайлау комиссиясы мәлімдеді.
Кездесуде ҚР ОСК басшысы ТүркПА мен ИЫҰ делегациясын 2022 жылғы 20 қарашаға тағайындалған Қазақстан Республикасы Президентінің кезектен тыс сайлауын өткізу ерекшеліктерімен таныстырды. Атап айтқанда, ол кездесуге қатысушыларды сайлау науқанының негізгі кезеңдері, кандидаттарды тіркеу қорытындылары, сайлаушылар тізімі бойынша жұмысты ұйымдастыру, сондай-ақ сайлау күніне Қазақстанның сайлау органдарының дайындығы туралы хабардар етті.
ТүркПА және ИЫҰ делегацияларының басшылары Қазақстан Республикасы Орталық сайлау комиссиясының сайлауға дайындығы жөніндегі қызметін жоғары бағалап, сайлауды өткізуде табыс тіледі.
Қысқа да нұсқа. Жазылыңыз telegram - ға