Жаңалықтар

Ғылымға деген қолдау еселеп көбейіп келеді - ғалым

Фото: facebook.com/kabulzia

Фото: facebook.com/kabulzia 12.04.2023 18:54 1126

Шоқан Уәлиханов атындағы Тарих және этнология институтының директоры Зиябек Ермұханұлы еліміздегі ғалымдардың жағдайы туралы пікір білдірді, деп хабарлайды El.kz ақпарат агенттігі.

“Ғылымға көңіл еселеп артып келеді. Біріншіден, ғылыми-техникалық модернизация жүріп жатыр. 2021 жылдан бастап қаржыландыру жүйесі ауысты. Ол жалақының көтерілуіне әсер етті. Ғылыми жобаларды орындауға бұрын 3 жыл уақыт берілсе, қазір 5 жылға дейін орындауға мүмкіндік бар. Конкурстар бұрын 3 жылда бір рет қана өтетін болса, қазір жылына екі, тіпті, үш рет өтіп жатыр. Жастарға ерекше көңіл бөлініп, олардың байқаулары жеке өтіп жатыр”, - деді ол.

Сондай-ақ ол бұрын институт бюджеті 10 млн-ның ар жақ бер жағы болса, қазір 1,5 млрд екенін айтты. Бұл - Президенттің, Үкіметтің ғылымға қолдауының анық көрсеткіші. Ғалым шетелден тәжірбие алмасуға 500 ғалымға орын берілетініне баса назар аударды. Сонымен бірге ол 100 шақты жас ғалымды қолдау бойынша грант беріліп жатқанын айтты.