Головкин мен Мырзабосынов Азия ойындарында жүлде алған спортшыларымызды құттықтады

Ербол Мырзабосынов пен Геннадий Головкин күміс жүлдегерлерді құттықтады, деп хабарлайды El.kz ақпарат агенттігі.

ҚР Туризм және спорт министрлігінің хабарлауынша, құрылым басшысы Ербол Мырзабосынов және Ұлттық Олимпиада комитетінің Президенті Геннадий Головкин Харбиндегі қысқы Азия ойындарында ел қоржынына күміс медаль салған шорт-трек және конькимен жүгіру спортының өкілдерімен кездесіп, жүлделерін қуанышымен бөліскен. 

Бүгін ел қоржынына 3 күміс жүлде салдыңыздар. Еліміздің мәртебесін арттырып, аянбай тер төгіп жатқандарыңызға алғысымды білдіремін. Жарыс жолында тартысты бәсекеге түсіп жатқан барша спортшыларға сәттілік тілеймін. Сіздерді қолдап келген және елімізде тілекші болып отырған қаншама жанкүйер бар. Осы жердегі Олимпиада шыңын бағындырған — Геннадий Головкин мен Ольга Рыпакованың жеткен жетістіктері мен жеңістері сіздерге де жұғысты болсын, - деді министр.

Қысқа да нұсқа. Жазылыңыз telegram - ға