«FlyArystan» дербес әуекомпанияға айналды – көлік вице-министрі
![«FlyArystan» дербес әуекомпанияға айналды – көлік вице-министрі «FlyArystan» дербес әуекомпанияға айналды – көлік вице-министрі](/storage/storage/element/2024/04/04/mainphoto/96972/1200xauto_Rb9MoAvHx7B4pbaXPhRC0Se3GMqDVBFRv0SxXVub.jpg)
Көлік вице-министрі Талғат Ластаев бүгін Сенаттың кулуарында «FlyArystan» әуекомпаниясының Air Astana-дан біржола бөлініп шыққанын хабарлады, деп хабарлайды El.kz ақпарат агенттігі.
Кеше (2024 жылдың 3 сәуір күні) FlyArystan пайдаланушының жеке сертификатын алды, сәйкесінше ол жеке тәуелсіз компания болып табылады. Нақтылайтын болсам, компания «Air Astana» компаниясының 100 пайыз еншілесі болып қала береді, - деді Талғат Ластаев.
Айта кетейік, ҚР Көлік министрлігінің Азаматтық авиация комитетінің баспасөз қызметі кеше ғана Қазақстанның авиациялық әкімшілігі FlyArystan әуе компаниясын сертификаттаудың барлық 5 кезеңін аяқтағанын мәлімдеген болатын. FlyArystan сертификаттау үдерісін Қазақстанның авиациялық әкімшілігінің авиациялық инспекторлары Ирландияның авиациялық билігі өкілдерімен тығыз ынтымақтастықта жүргізді.
![Telegram](https://el.kz./static/site/images/tel26.png)