Жаңалықтар

Финляндияда Қазақстанның алып туы жайылды

Фото: Kazakhstan Hockey

Фото: Kazakhstan Hockey 26.05.2023 14:10 1161

Тампереде (Финляндия) Қазақстан хоккей федерациясының өкілдері жанкүйерлермен бірге еліміздің алып туын жайды, деп хабарлайды El.kz ақпарат агенттігі.

Бұл 2027 жылы әлем чемпионатын Қазақстанда өткізу туралы бастамаға қолдау ретінде ұйымдастырылды.

Халықаралық шайбалы хоккей федерациясы мүшелері әлем біріншілігін өткізетін елді бүгін таңдайды. Қазақстанмен бірге бұл мүмкіндікке Германия да таласып жатыр.

Айта кетейік, Қазақстан құрамасы әлем чемпионатының қорытындысы бойынша турнирлік кестеде В тобында алтыншы орын алды. Ғалым Мәмбеталиев шәкірттері жеті ойында жеті ұпай жинады.