“Ешкімді қалдырмаймыз”. СІМ өкілі Израильдегі қазақстандықтарды елге қайтару туралы айтты

Сыртқы істер министрлігінің ресми өкілі Айбек Смадияров Израильдегі жағдайдың қиын екенін, қазақстандықтарды елге қайтару жұмыстары жүргізіліп жатқанын айтты, деп хабарлайды El.kz  ақпарат агенттігі.

Сондай-ақ ол азаматтарымызды елге қайтару кезінде олардың консулдықта тіркеуге тұрмағаны мәселе туындатып отырғанын назарға алды.

7 қазанда Израильдегі жағдайдың шиеленісуіне байланысты СІМ-де жедел штаб құрылып, төтенше жағдай кезіндегі іс-қимыл алгоритмін жедел орындауға кірісті. Израильдегі Қазақстан азаматтары мен олардың туыстары үшін жедел желі құрылды,- деді ол. 

Оның сөзінше консулдық есебінде 77 азамат тіркеуде тұр. 

Бұл консулдық қызметкерлері мен олардың отбасы мүшелерін қоса алғанда. ЖОО-ларда 5 қазақстандық студент оқиды. 30-ға жуық қазақстандық тағылымдамадан өтіп жатыр. Барлығы 112 адам бар екенін анықтадық,- деді ол. 

Осы уақытқа дейін 118 азамат елге оралуға ниет білдірген. Сондай-ақ Израильдегі әуежай жұмысын штаттық режимде жасап жатқанын айтты.

Қысқа да нұсқа. Жазылыңыз telegram - ға