Елордалық дәрігерлер науқастың миындағы күрделі ісікті алды
Елорда ауруханасының дәрігерлері нейронавигация қолдану арқылы мидағы ісікті алып тастады, деп хабарлайды El.kz ақпарат агенттігі.
«Әлеуметтік медициналық сақтандыру қоры» КЕАҚ елордалық филиалының мәліметінше, Астана қаласындағы №1 қалалық аурухана дәрігерлері нейронавигация, ультрадыбыс және Pantera микроскопын қолдана отырып, микрохирургиялық тәсілмен мидағы ісікті алды.
Тарификаторға сәйкес, ота жасау науқасқа 1 400 000 теңгеден астам шығын әкелуі мүмкін еді. Алайда ота міндетті әлеуметтік медициналық сақтандыру жүйесінде жасалды, - деп хабарлайды «Әлеуметтік медициналық сақтандыру қоры» КЕАҚ елорда филиалы.
1992 жылы туған пациент Астана қаласы әкімдігінің №1 көпбейінді қалалық ауруханасының неврология бөлімшесіне шұғыл қызмет желісі бойынша сіреспе ұстамасымен түсті. Бірқатар медициналық тексерулерден кейін перифокальды ісінуі бар сол жақ төбе-маңдай аймағының миішілік ісігі анықталды.
Миішілік ісік – күрделі сырқат, өскін өсіп, жан-жағындағы тіндерді қысып, миды зақымдауы мүмкін, ал перифериялық ісіну бас ішінің қысымын жоғарылатады, оның зардабы организм үшін тіпті ауыр болады.
Біз ота алды және ісікке қарсы дайындық жүргіздік. Кейін нейронавигация, ультрадыбыс және Pantera микроскопын қолдана отырып, микрохирургиялық тәсілмен мидағы ісікті алып тастадық. Тарификаторға сәйкес, ота жасау науқасқа 1 400 000 теңгеден астам шығын әкелуі мүмкін еді. Алайда ота міндетті әлеуметтік медициналық сақтандыру (МӘМС) жүйесінде жасалды», - деп түсіндірді емдеуші дәрігерлер – нейрохирургия бөлімшесінің меңгерушісі Қанат Ахметов пен нейрохирург-ординатор Еркін Дүйсенбаев.
Келесі күні пациент бейінді нейрохирургия бөлімшесіне ауыстырылды. Жүргізілген КТ бақылауда оң динамика байқалды, миішілік ісік толығымен алынған.
Отадан кейін ұлымыз өзін жақсы сезінеді. Осындай күрделі де ерекше отаны дәрігерлер МӘМС жүйесінің арқасында тегін жасады. Көп рахмет! - деп пациенттің ата-анасы өз ризалықтарын білдірді.
Қысқа да нұсқа. Жазылыңыз telegram - ға