Елордадан 3,4 млн текше метрден астам қар шығарылды
Қаланың коммуналдық қызметтері қыс мезгілінің басынан бері күшейтілген режимде тәулік бойы жұмыс істейді, деп хабарлайды El.kz ақпараттық агенттігі. Бұл туралы Астана әкімдігінің ресми сайты мәлімдеді.
Күн сайын қар күреу жұмысына екі мыңға жуық жұмысшы жұмылдырылады.
Елордада қазір қар жауып тұр. 23 ақпанға қараған түннің өзінде қаладан 17,5 мың текше метр қар немесе 1 358 рейс шығарылды.
Бейсенбі күні таңертең қар күреу үшін екі мыңнан астам жол жұмысшы мен мыңға жуық арнайы техника жұмылдырылды.
Қыс мезгілінің басынан бері қар полигондарына 3,4 млн текше метрден астам қар шығарылды, бұл 276 988 рейске тең.
Тұрақсыз ауа райына және температураның өзгеруіне байланысты көшеде көктайғақ пайда болады. Қала тұрғындары мен қонақтары көктайғақ кезінде қауіпсіздік ережелерін сақтап, абай болу керек. Азаматтардың емін-еркін жүруі үшін жолдарға, тротуарларға, көшелерге құм-тұз қоспасы себіледі.
Қысқа да нұсқа. Жазылыңыз telegram - ға