Елордада Жамбы ату мен теңге ілуден чемпионат өтеді

3 маусымнан бастап елордада Ұлттық спорт қауымдастығының ұйымдастыруымен «Қазанат» ипподромында екі апта бойы Жамбы ату және теңге ілуден ересектер, жастар, жасөспірімдер арасында Қазақстан чемпионаты өтеді,- деп хабарлайды Baq.kz.

– Чемпионатқа еліміздің барлық өңірлерінен жалпы саны 150-ден аса спортшы қатысады. Жамбы атудан ел чемпионаты корей, түрік және қазақ стильдері бойынша өтеді, – деді Ұлттық спорт қауымдастығының атқарушы директоры Рахат Жақсыбай.

Теңге ілу чемпионатының биылғы ерекшелігі – ережеге енген өзгеріске байланысты, іріктеу сындарына 5, финалдық кезеңде 7 теңгеден қойылады. Яғни жарысқа қатысушы ойын барысында жерден 5 теңге ілсе, финалда 7 теңгеден іледі. Жарыс жеңімпаздарына бас серіктес – Sport Qory қаржылай жүлде – 1,5 млн теңге тағайындаған.

Жарыстың ашылу салтанаты Мемлекеттік рәміздер күні мерекесіне орай, 4 маусым күні 10:00-де басталады. Ашылу салтанаты аясында төрт қашықтықта (тай, құнан, кіші аламан, аламан) бәйге жарысы болады.

Фото ulttyqatsport.kz алынды

Қысқа да нұсқа. Жазылыңыз telegram - ға