Елордада тонауға қатысы бар күдікті ұсталды
Фото: polisia.kz
Фото: polisia.kz
23.07.2024 12:47
613
Елордада полицейлер тонауға қатысы бар күдіктіні ұстады, деп хабарлайды El.kz ақпарат агенттігі.
Алматы ауданы ПБ полиция қызметкерлері тонауға қатысы бар деген күдікпен қаланың 27 жастағы тұрғынын анықтады. Тергеу барысында анықталғандай, күндізгі уақытта ер адам сауда залына келіп, телефондар тұрған сөрелерге жақындаған.
Гаджеттерді қараған кейіп танытып, ол iPhone 15 Pro телефонын қауіпсіздік жүйесінен жұлып алып, қылмыс орнынан қашуға асыққан. Дүкен қызметшілері күдіктіні өз бетінше тоқтатуға тырысқанымен, ол сауда залынан қашып үлгерген.
Аталған факті бойынша қылмыстық іс қозғалды. Оның елорда аумағында жасалған басқа да қылмыстарға қатысы бар-жоғы тексеріліп жатыр.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Шомылу маусымы басталғалы 87 адам суға батып кетті
Келесі жаңалық
Ұлттық ұлан әскері жас сарбаздармен толықты