Жаңалықтар

Елордада қураған ағаш пен бұталардан өрт шықты

Фото: El.kz/Бауыржан Жуасбаев

Фото: El.kz/Бауыржан Жуасбаев 27.05.2023 19:38 927

Елордада қурап қалған ағаштар мен бұталар өртеніп жатыр, деп хабарлайды El.kz ақпарат агенттігі.

Әлеуметтік желіде тараған видеодан Көктал-1 тұрғынүй алабының маңында Қорғалжын тасжолы бойында түтіннің таралғанын байқауға болады.

Астана ТЖД таратқан дерекке сәйкес, өрт сөндіруге бригада 27 мамырда 16:14-те аттанған.

Өрт сөндірушілер шамамен 1 гектар аумақта қураған ағаштар мен бұталардың өртеніп жатқанын анықтады, - делінген қалалық ТЖД баспасөз қызметі таратқан хабарламада.

Тілсіз жау орнында қала әкімдігінің үш суарып жуатын машинасы жұмыс істеп жатыр.

Бөлісу: