Елордада қаңтар кезінде табылған қару-жарақтар көрмеге қойылды

Елордада қаңтар оқиғасы кезінде Тараз бен Алматы қалаларында тәркіленген қару-жарақтар көрмесі өтті, деп хабарлайды El.kz ақпарат агенттігі.

Көрмеге қаңтар кезінде жас ұландар, полиция қызметкерлерінің алаңда киген киімдері мен қорғаныс заттары ұсынылды. Сондай-ақ, дүкендер мен полиция қызметкерлерінен тартып алынған 200-ден астам қару-жарақтың түрлері қойылды. Оларды тергеу департаментінің өкілдері таныстырды.

«Полиция қызметкерлерінің жедел профилактикалық шаралар нәтижесінде 4613 қару табылды. Қызметтік және азаматтық дүкендерден ұрланған қару-жарақтың 1900-ден астамы әлі іздестіріліп жатыр. Оның ішінде автомат, пистолет және тағы басқа қару түрлері бар. Қарудың 1200-ге жуығы полиция органдарына тиесілі», - деді ҚР ІІМ Тергеу департаментінің бастығы Санжар Әділов.

Сонымен қатар, қаңтар кезінде 3000-ға жуық полиция қызметкері түрлі дене жарақаттарын алып, бірқатары әлі емделіп жатқанын атап өтті.

«Соның ішінде 111 қызметкер суық қарудан ауыр жарақат алып, олардың 28-і әлі күнге дейін ем алып жатыр. Ал 2 қызметкер аса ауыр жарақатпен қазіргі таңда Түркия елінде емделуде», - деді ол.

Қысқа да нұсқа. Жазылыңыз telegram - ға