Жаңалықтар

Елордада Ғарышкерлер күніне орай Айдын Айымбетовпен кездесу өтті

Фото: ©El.kz/Артем ЧУРСИНОВ

Фото: ©El.kz/Артем ЧУРСИНОВ 11.04.2024 17:07 922

12 сәуір – Бүкіләлемдік авиация және космонавтика күні мерекесіне орай ҚР Ұлттық қорғаныс университетінде ғарышкер, Қазақстанның Халық қаһарманы ӘҚК генерал-майоры Айдын Айымбетовпен кездесу өтті, деп хабарлайды El.kz ақпарат агенттігі.

Ғарышкерлер күніне арналған іс-шараға ҚР Парламенті Cенаты мен Мәжілісінің депутаттары, мемлекеттік органдардың өкілдері, университеттің профессор-оқытушылар құрамы мен магистранттары қатысты.

Кездесу барысында ғарышкердің өмірбаяны айтылатын видео көрсетілді. Кейін жиынға қатысушылар Айдын Айымбетовке жеке сауалдарын қойып, іс-шара сұрақ-жауап форматында жалғасын тапты.

Айта кетейік, Айдын Ақанұлы – тәуелсіз Қазақстанның тұңғыш ғарышкері. Ол космосқа барып, бала арманын орындауды 22 жыл бойы күтіп, 2015 жылы ғарышқа аттанды. Айдын Айымбетов ғарыш кеңістігінде 10 күн болып, айтулы физикалық-ғарыштық зерттеу жұмыстарын жүргізді. Сондай-ақ ол – Арал және Каспий теңіздерінің экологиясының жай-күйіне ғарыштық мониторинг жүргізген ғарышкер.

Елордада Ғарышкерлер күніне орай Айдын Айымбетовпен кездесу өтті