Жаңалықтар

Елордада бос жұмыс орындарына арналған жәрмеңке өтті

Елордада бос жұмыс орындарына арналған жәрмеңке өтті
Фото: Астана әкімдігінің баспасөз қызметі 04.04.2025 19:07 314

Елордада Жұмысшы мамандықтар жылына орайластырылған кезекті жалпықалалық бос жұмыс орындары жәрмеңкесі өтті, деп хабарлайды El.kz ақпарат агенттігі.

Жәрмеңке жұмыссыз азаматтарды, оның ішінде мүгедек адамдарды жұмысқа орналастыруға жәрдемдесу мақсатында Есіл ауданы әкімінің аппараты және Астана әкімдігінің Еңбек мобильділігі орталығы ұйымдастырған. Оған 40-тан астам жұмыс беруші қатысып, жұмыс іздеушілерге 1 300 бос жұмыс орнын ұсынды.

Бұл біздің азаматтарға өз мамандығы бойынша лайықты жұмыс таңдауға мүмкіндік береді. Бүгінгі таңда құрылыс, өндіріс, денсаулық сақтау, құқық қорғау органдары және басқа да бағыттар бойынша бос орындар қарастырылуда. Бұл жұмыс іздеушілер мен жұмыс берушілер үшін ең өзекті жұмыс орындары туралы білуге мүмкіндік беретін тиімді кездесу алаңы. Қатысушылар түрлі саладағы компаниялардың өкілдерімен әңгімелесуден өтіп, еңбек нарығының соңғы үрдістерімен таныса алады, - деді Әлеуметтік сала бөлімінің басшысы Назгүл Ахметова.

«Салауатты Астана» ЖШС Адам ресурстары басқармасының аға маманы Бота Биболованың айтуынша, компания білікті әлеуетті қызметкерлерді табуға болатын осындай іс-шараларды өткізіп алмауға тырысады.

Біздің емханаға дәрігерлер, медбикелер мен фельдшерлер қажет. Бүгінгі таңда дәрігерлер үшін 8-10 бос жұмыс орны ашылды, әсіресе аясы тар мамандардың жетіспеушілігі байқалады. Медбикелер үшін шамамен бірдей жұмыс орындары бар. Біз жәрмеңкеге соңғы рет күзде қатыстық, қайта қатысу мүмкіндігін жіберіп алмауға тырысамыз. Біз үшін үміткерлердің өз мамандықтарына сәйкес келуі және клиникалық тәжірибеге қатысуы маңызды. Бұл – пациенттермен жұмыс істеу құқығын растайтын міндетті сертификат. Жасы бойынша үміткерлерге ешқандай шектеу жоқ. Ең бастысы – кәсібилігі және қажетті құжаттарының болуы. Өткен жәрмеңкеде бізге 4 маман жұмысқа орналасты және олар бүгінгі күнге дейін бізбен табысты жұмыс істеуде, - деді ол.

Бөлісу:
Telegram Қысқа да нұсқа. Жазылыңыз telegram - ға