Елордада 43 қоғамдық және аула кеңістігі ашылды
Елорда күні қарсаңында Астана аудандарында кешенді абаттандыру жүргізілген 40 аула мен 3 қоғамдық кеңістік ашылды, деп хабарлайды елорда әкімдігінің ресми сайты.
Елорда күні Сарыарқа ауданында М.Әуезов көшесі, 39, 41, Сұлукөл көшесі, 14, Шұғыла көшесі, 17, Самал ш/а, 1-10,тағы жеті мекенжайда жұмыс аяқталды.
Сонымен қатар, аудан аумағында қазіргі заманғы жайлылық пен қауіпсіздік стандарттарын ескере отырып, Юбилейная көшесі, 22 және Жеңіс даңғылы, 34 мекенжайларында екі жаңа қоғамдық кеңістік ашылады.
Биыл ауданның тұрғын алаптарындағы 8 ауланы қоса алғанда, 30 ауланы абаттандыру жоспарланған.
Астана күніне орай Байқоңыр ауданында кешенді абаттандыру жүргізілген 20 аула және 3 қоғамдық кеңістік салтанатты түрде ашылды.
Сонымен қатар, бүгінгі таңда Байқоңыр ауданының басқа аумақтарында тұрғындар үшін ашық тағы 20 аула аумағы ашылды.
Жалпы, жыл соңына дейін 117 (45 жаңа, 72 жөндеу-қалпына келтіру) аула аумағын абаттандыру жоспарланып отыр, оның 53-і толығымен аяқталды.
6 шілдеде Астана күніне орай «Халық қатысатын бюджет» бағдарламасы аясында Алматы ауданында 11 жаңартылған аула ашылды.
Тағы 100 аулада қосымша жөндеу-қалпына келтіру жүргізу жоспарланып отыр. Қазір 50 аулада жұмыс аяқталды, оның ішінде жасанды жабындарды жайластыру, қоршаулар мен спорт алаңдарын жөндеу, төсеніштерді ауыстыру, шағын архитектура мүсіншелерін жөндеу, бүлінген спорт алаңдары мен балаларға арналған ойын құрылғыларын жөндеу.
Есіл ауданында 9 ауланы абаттандыру жоспарланып отыр. Қазіргі уақытта 3 аулада жұмыс аяқталды. Қалған 6 аулада жөндеу бойынша әртүрлі жұмыстар жүргізілуде.
Бұдан басқа, 18 аула аумағына жөндеу-қалпына келтіру жүргізілді (8 аулада шұңқырлы жөндеу және 2 балалар ойын алаңында).
Қала күніне орай Нұра ауданында тұрғындарға "Құлагер 1" және "Құлагер 2" ТК жаңартылған аулалары пайдалануға берілді.
Биыл аудан бойынша 19 аула абаттандырылады. Оның 7-еуі Жағалау шағын ауданында 18 га күрделі абаттандыру шеңберінде жаңартылатын болады. Сонымен қатар, тұрғындардың ыңғайлылығы мен жайлылығы үшін бұрын сауда орталықтарының құрылысы жоспарланған Тұран даңғылында қоғамдық кеңістіктер ашылды. Дәл осындай алаң Ханшатыр сауда орталығының оң жағында ашылады. Тағы бір орны Бектұров көшесінде ашылды. Онда түрікмен ақыны Махтумкули Фрагаға ескерткіш орнатылған.
Астанада қаланы абаттандыру бойынша ауқымды жұмыстар жүргізілуде. Биыл 170 аула мен қоғамдық кеңістік абаттандырылады. Олардың бір бөлігі қазірдің өзінде аяқталды.
Сонымен қатар, 7 шілде күні сағат 18.00-де ЭКСПО аумағында Ұлттық домбыра күніне арналған "Заманауи домбыра" мерекелік шоу-концерті өтеді.
Қысқа да нұсқа. Жазылыңыз telegram - ға