Елорда циркі «Жібек жолына» шақырады

Астаналық цирк ел Тәуелсіздігінің 25 жылдығына орай, 3 желтоқсан мен 18 желтоқсан аралығында  көрерменге «Жібек жолы» атты мерекелік қойылым ұсынып отыр.

Қойылымға әуе гимнастары, ерекше жанрдың артистері, «Ат үстінде хула-хуппен гротеск», «Томирис» балет-цирк нөмірі енгізілген.

Бағдарламада көңілді клоундар мен иттер, түйелер, аюлар, Джуди атты ақылды маймыл көрермендердің көңілін көтереді.

Тақырыптық қойылым үшін арнайы костюмдер тігілген. Ал, шара кезінде  цирк манежі ғажайып декорациямен және жарықпен безендіріледі.

«Жібек жолы» мерекелік қойылымында Ұлы Жібек жолының тағылымды тарихы театрландырылған және цирк көрсетілімдерінде көрініс тапқан.

Бағдарламада елорда циркінің кәсіпқой әртістері өнер көрсетеді.

Анықтама телефоны: 24 40 59.

Дереккөз: Астана қаласының мәдениет, мұрағаттар және құжаттама басқармасы

Қысқа да нұсқа. Жазылыңыз telegram - ға