Елімізде 84 мыңнан астам студент жатақханаға мұқтаж
Алматы қаласында 40 мыңнан астам студентке жатын орын қажет
Қазақстанда 84 мыңнан астам студент жатақханаға мұқтаж. Оның ішінде Алматы қаласында 40 мыңнан астам студентке жатын орын қажет. Бұл туралы брифинг барысында «Қаржы орталығы» АҚ Ілгерілету және сыртқы коммуникация департаментінің директоры Айнұр Сағындықова айтты, деп хабарлайды El.kz ҚазАқпарат тілшісіне сілтеме жасап.
Оның айтуынша, 2018 жылдан бастап жекеменшік сектордың ауқымды қатысуын көздейтін мемлекеттік тапсырыс тетігі әзірленді.
«Біз инвесторлар мен жеке кәсіпкерлерді мемлекеттің қаржылық қолдауымен студенттік жатақхана құрылысына қаржы салуға шақырамыз. Бұл жобаға әлеуметтік нысанды салушы ретінде ғана емес, табысты және келешегі мол бизнес жоба ретінде қараған жөн»,- дейді ол.
Сонымен қатар, спикер, әсіресе алматылық студенттер жатақхана мұқтаж екенін айтты.
«Қазіргі уақытта еліміз бойынша 84 мыңнан астам студент жатақханаға мұқтаж. Оның ішінде Алматы қаласында 40 мыңнан астам студентке жатақхана қажет. Себебі, жоғары оқу орындарының басым бөлігі Алматыда. Айта кетейін, бұл бастамаға 152 млрд теңге қарастырылған»,- деді ол.
Қысқа да нұсқа. Жазылыңыз telegram - ға