Елімізде науқастар дәрігер жұмысын бағалай алады
Денсаулық сақтау вице-министрі Бейбіт Есенбаевтың айтуынша, азаматтар дәрігердің жұмысын, алынған медициналық қызметтердің сапасын мақтай алады немесе шағымдана алады, деп хабарлайды El.kz ақпарат агенттігі.
Бұл медициналық қызметтің сапасын көтеру мақсатында жасалып отыр.
Денсаулық сақтау министрлігі медициналық көмектің сапасы мен қолжетімділігін арттыру мақсатында денсаулық сақтауды цифрландыру бойынша жүйелі шаралар қабылдауда, - деді ол.
Вице-министр сөзіне сүйенсек, денсаулық сақтау ресурстары бойынша онлайн мониторинг енгізілетін болады.
Медициналық ұйымдарда дәрілік заттар қалдықтарының онлайн мониторингі, болашақ кезеңдерге дәрілік заттардың қажеттілігін есептеуді автоматтандыру енгізілетін болады. Бүкіл ел бойынша медициналық деректерді орталықтандырылған сақтау жүзеге асырылатын болады, - деді Бейбіт Есенбаев.
Қысқа да нұсқа. Жазылыңыз telegram - ға