Елімізде кедейлік деңгейі ең жоғары өңір анықталды
![Елімізде кедейлік деңгейі ең жоғары өңір анықталды Елімізде кедейлік деңгейі ең жоғары өңір анықталды](/storage/storage/element/2023/09/13/mainphoto/68244/1200xauto_T55m1mBOELqxBxXqwexHlDdKYEf8eLrKwV9VslXy.jpg)
Үй шаруашылықтарын іріктеп тексеру нәтижелері бойынша табысы ең төменгі күнкөріс деңгейінен (кедейлік деңгейі) төмен халықтың үлесі 2023 жылғы II тоқсанда 5,1% құрады, деп хабарлайды El.kz ақпарат агенттігі.
Ұлттық статистика бюросының мәліметінше, 2023 жылғы II тоқсандағы кедейлік деңгейінің ең жоғары мәні Түркістан (9,7%) облысында, ал ең азы – Астана қаласында (2,5%) тіркелді.
Кедейлік қаупіне үй шаруашылықтарының көлемі қатты әсер етеді. Осылайша, 5 және одан да көп адамнан тұратын үй шаруашылықтары арасындағы кедейлік деңгейі 2023 жылғы II тоқсанының қорытындысы бойынша 9,2%-ды құрады, бұл жалпы кедейлік деңгейінен 2 есеге жуық артық, - делінген мәліметте.
ҚР бойынша 2023 жылғы II тоқсанда айына орта есеппен жан басына шаққандағы ең төменгі күнкөріс деңгейінің шамасы 47 884 теңгені құрады.
![Telegram](https://el.kz./static/site/images/tel26.png)