Елімізде 82 адамнан қызылша ауруы анықталды
![Елімізде 82 адамнан қызылша ауруы анықталды Елімізде 82 адамнан қызылша ауруы анықталды](/storage/storage/element/2023/03/28/mainphoto/43290/1200xauto_Fsmt1oO7r4n1ZZLbIXoyP000GxsUcE7JYl4lSCtK.jpg)
Биыл қаңтар айынан бастап Ұлттық сараптама орталығында секвенирлеу әдісімен қызылшаны анықтауға 270 зерттеу жүргізілген, деп хабарлайды El.kz ақпарат агенттігі Санитариялық-эпидемиологиялық бақылау комитетіне сілтеме жасап.
Сараптама барысында 82 сынама оң нәтиже берді. Зерттеулердің анағұрлым көп саны Алматы қаласында, Түркістан және Жетісу облыстарында жүргізілді. Қазіргі уақытта ҰСО-ның барлық филиалдары қызылшаны анықтауға арналған тест-жүйемен қамтамасыз етілген.
Қызылша – бұл жоғары температура, интоксикация, жөтел, мұрыннан су ағу, конъюнктивит және бөртпе түрінде көрінетін жіті вирустық ауру. Вирус ауа арқылы әрі ұзақ қашықтыққа да оңай тарайды.
Қызылшаның алдын алудың жолы – вакцинация. Міндетті түрде дезинфекция жасалуы тиіс, үй-жайды желдету, дымқыл тазалау, басқа (науқас емес) адамдармен байланыстың болмауы.
![Telegram](https://el.kz./static/site/images/tel26.png)