Елена Рыбакина әлемнің бірінші ракеткасын жеңді
Фото: WTA
Фото: WTA
07.11.2024 09:18
694
Әлемдік рейтингіде бесінші сатыда тұрған қазақстандық теннисші Елена Рыбакина әлемнің бірінші ракеткасы белорус Арина Соболенконы жеңді, деп хабарлайды El.kz ақпарат агенттігі.
Кездесу Эр-Риядтағы (Сауд Арабиясы) WTA 2024 Қорытынды турнирі аясында өтті.
Матч қорытындысы — 6:4, 3:6, 6:1.
Кездесу 1 сағат 41 минутқа созылды. Рыбакина өзі есебіне алты эйс жазып, екі қосарланған қателік жасады және жеті брейк-пойнттың бесеуін жүзеге асырды.
Соболенко төрт эйсті орындап, төрт қосарланған қателікке бой алдырып, жеті брейк-пойнттың үшеуін жүзеге асырды.
Осы жеңісіне қарамастан, Рыбакина турнирді жалғастыра алмайды. Себебі бұған дейінгі топта ол екі рет жеңілді. Соболенко, керісінше, алғашқы екі ойынын жеңіспен аяқтап, жартылай финалға жолдама алды.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Орталық сайлау комиссиясының екі мүшесі тағайындалды
Келесі жаңалық
Елордада кальян ұсынған мекемелерге айыппұл салынды