Елдегі барлық телеарнаның хабар тарату қызметінде мәселе туындады
![Елдегі барлық телеарнаның хабар тарату қызметінде мәселе туындады Елдегі барлық телеарнаның хабар тарату қызметінде мәселе туындады](/storage/storage/element/2023/09/16/mainphoto/68615/1200xauto_pP4j7J3686VxSTgCl0htwiTp79OatjtpUHZqrngd.jpg)
KazSat-3 жер серігімен байланысты телеарналардың хабар тарату қызметінде мәселе туындаған, деп хабарлайды El.kz ақпарат агенттігі.
«Қазтелерадио» АҚ баспасөз қызметінің мәліметінше, KazSat-3 Қазақстандық спутнигіндегі штаттан тыс жағдайға байланысты Қазақстандық және шетелдік телеарналардың бір бөлігі OtauTV пакеттерінде қолжетімсіз болған.
Қазіргі уақытта «Қазтелерадио» АҚ ғарыштық байланыс орталығымен бірлесіп KazSat-3 жұмысқа қабілеттілігін қалпына келтіру жұмыстарын жүргізуде. Бұл ретте KazSat-2 пайдаланатын мемлекеттік телеарналар штаттық режимде таратылады. Барлық 567 Радиотелевизиялық станция KazSat-2 резервтік спутнигінен телевизиялық арналарды қабылдайды және Қазақстан Республикасының барлық аумағына хабар таратады, - делінген хабарламада.
![Telegram](https://el.kz./static/site/images/tel26.png)