Жаңалықтар

Елбасы "Қазақ елі" сериалының шығармашылық тобымен танысты

Елбасы Нұрсұлтан Назарбаев «Қазақфильм» киностудиясына барып, киностудия қызметімен, оның жаңа жобаларымен және киноөндіріс үдерісімен танысты.

12.08.2015 08:14 4219

Елбасы Нұрсұлтан Назарбаев «Қазақфильм» киностудиясына барып, киностудия қызметімен, оның жаңа жобаларымен және киноөндіріс үдерісімен танысты.

Нұрсұлтан Назарбаев сондай-ақ, «Қазақ Елі» сериалының түсірілім алаңын көріп, шығармашылық топпен әңгімелесті. Бұл туралы Ақорданың баспасөз қызметі хабарлады.

Сонымен қатар, Мемлекет басшысы тәуелсіз Қазақстан мемлекетінің құрылуы туралы баяндайтын, жұмыс барысындағы бастапқы атауы «Так сложились звезды» деп аталатын фильм түсірілімі жүріп жатқан алаңда болды. Бұл фильмдердің барлығы жыл соңына дейін көрерменге жол тартады деп күтілуде. Қазақ хандығының 550 жылдығы қарсаңындағы ең ірі жобалардың бірі болмақ.

Елбасы "Қазақ елі" сериалының шығармашылық тобымен танысты

«Қазақфильм» – республикамыздың жаңғыртудан кейін сапалы киноөнімдер шығару мүмкіндіктері арта түскен басты киноөндіріс орны.

«Қазақ хандығы» телесериалы Керей мен Жәнібектен басталып Кенесарыға дейінгі аралықты қамтиды. Жәнібек пен Керей туралы кеңінен қамтылады, тіпті 7 сериясы соған арналады. Ал, Керей мен Жәнібек құрған мемлекеттің нығаюын, аяқты тік тұруына септігін тигізген Қасым мен Бұрындық туралы бөлімі 3 серия болады. Оған екі топ жұмыс істегелі отыр. Жақында осы туралы Ермек Тұрсыновпен сөйлестік, ол қуана келісімін берді» – дейді Рүстем Әбдірашев.

Телесериал авторларына түсірілімді қысқа мерзім ішінде аяқтау міндеті жүктелген. Түсіру жұмыстары әлі басталмаған сериалдың ұлттық премьерасы 2015 жылы желтоқсанның 16-сына белгіленген. Арман Әсеновтың айтуынша, дайындық жұмыстары мамырдың 31-іне дейін созылмақ.

Алматы облысында, Түркістан қаласында түсірілетін сериалда «Көшпенділер», «Жаужүрек мың бала», «Моңғол» фильмдерінің материалдық базасы мен реквизиттері пайдаланылмақ. «Орда» фильмін (2010 жылы) түсіру кезінде пайдаланылған киімдерді «Мосфильм» киностудиясынан сатып алу жоспарланған.

Шығармашылық топ мүшелерінің айтуынша, «Қазақ елі» сериалында екі желі қарастырылған. Негізгі желі - сұлтандар мен хандар. Алғашқы жеті серияның негізгі кейіпкерлері – Жәнібек пен Керей. Режиссер Рүстем Әбдірешовтің айтуынша, бұл серияларда династиялық тартыс көрсетіледі. Оның пікірінше, сериал – билікке таласты көрсетуге өте ыңғайлы формат.

Сериалдағы екінші желі – ақын-жыраулар. Оларды өмірде болған ақын, жырау, сол дәуірдің идеологы Асан қайғы бейнесі арқылы сомдамақ. Шынымен, Асан Қайғы – Жәнібек сұлтанның кеңесшісі болғаны тарихтан белгілі.

Әзірлеген: Досжан Мейірім.

Бөлісу: