Жаңалықтар

Ел тұрғындары баспана алу және емделу бойынша 3,7 триллион теңге зейнетақы жинағын жұмсады

25.10.2023 17:50 797

Биылғы 1 қазанындағы жағдай бойынша қазақстандықтардың тұрғын үй сатып алу және емделу туралы 1,9 миллионға жуық өтініші мақұлданып, арнайы шоттарға 3,7 триллион теңгеге жуық қаражат аударылды, деп хабарлайды El.kz ақпараттық агенттігі sputnik.kz-ке сілтеме жасап.

Оның ішінде 1,4 миллион өтініш тұрғын үй жағдайын жақсарту мақсатында зейнетақы жинағын пайдалануды қамтыды.

Сондай-ақ БЖЗҚ емделуді қарастыратын 391,79 миллиард теңгеге 457 513 өтінішті мақұлдады. Алынған орташа сома шамамен 0,86 миллион теңгені құрайды. Қазақстандықтар жолдаған өтініштердің 96%-дан астамы стоматологиялық қызмет алуды, 2,5%-ы офтальмологиялық қызмет алуды қарастырған.

Зейнетақы жинағының 1%-дан аз мөлшері басқа медициналық салаларға жұмсалды. Жинақты пайдалану бойынша толық статистиканы Қор сайтындағы "Көрсеткіштер" – "Емдеуге арналған біржолғы зейнетақы төлемдері" бөлімінде көруге болады.

Бөлісу: