Жаңалықтар

Ел аумағында 3,9 балдық жер сілкінісі орын алды

Зілзала ошағы Алматы қаласынан 626 шақырымда орналасқаны белгілі болды

Фото: liter.kz

Фото: liter.kz 18.12.2022 00:29 1488

Елімізде 3,9 балдық жер сілкінісі орын алды, деп хабарлайды El.kz Төтенше жағдайлар министрлігіне қарасты «СТӘК» ЖШС-ның сейсмикалық стансалар желісіне сілтеме жасап.

Жер сілкінісінің ошағы Қазақстан аумағында Алматы қаласынан солтүстік-шығысқа қарай 626 шақырымда орналасқан. Жер сілкінісінің энергетикалық санаты – 8.8-ге тең. MPV магнитудасы 3.9-ды құрайды. Эпицентр координаттары: 46.95° солтүстік ендік, 82.85° шығыс бойлық. Тереңдігі – 20 шақырым. Жерасты дүмпуі МSК-64 шкаласы бойынша Алматыда сезілген жоқ, - делінген «Алматы» орталық сейсмикалық обсерваториясының кезекші операторы таратқан хабарламада.

Бөлісу: