Экс-бас санитар дәрігер Ерлан Қиясов жаңа қызметке тағайындалды
Ол Ұлттық сараптама орталығының Басқарма төрағасы болды
Денсаулық сақтау министрінің орынбасары – Қазақстанның Бас мемлекеттік санитариялық дәрігері қызметін атқарған Ерлан Қиясов жаңа лауазымға тағайындалды, деп хабарлайды El.kz
Е.Қиясов Қазақстан Республикасы Денсаулық сақтау министрлігі Санитариялық-эпидемиологиялық бақылау комитеті Ұлттық сараптама орталығының Басқарма төрағасы болды.
Ерлан Қиясов 1973 жылы Алматы қаласында дүниеге келген. ҚазММУ, Орталық Азия университетін, әл-Фараби атындағы ҚазҰУ, «Тұран-Астана» университетін бітірген.
Еңбек жолын 1990 жылы Алматы қаласындағы «Жедел жәрдем ауруханасының» жансақтау бөлімінде санитар болып бастады.
1997-1999 жылдары Алматы қаласындағы Қазақстан Республикасының Әуе көлігі орталық санитариялық-эпидемиологиялық станциясының санитар дәрігері, эпидемиологы болып еңбек етті.
1999 жылдан 2020 жылға дейін ҚР Президенті Іс басқармасы Медициналық орталығының құрылымында – санитариялық-эпидемиологиялық станциясының жалпы гигиена бойынша дәрігері, жедел бөлім меңгерушісі, санитариялық-эпидемиологиялық қадағалау басқармасы эпидемиологиялық бөлімнің меңгерушісі, «Санитариялық-эпидемиологиялық сараптама орталығы» РМК директоры, ҚР Президенті Іс басқармасы Медициналық орталығы меңгерушісінің орынбасары болды.
Қысқа да нұсқа. Жазылыңыз telegram - ға