Экология саласындағы жобаларды дамытуға 300 млрд теңге бөлінді
2024 жылғы шілдеде № 604 қаулы қабылданды, оған Қазақстан Республикасының Үкіметі кәдеге жарату алымы қаражаты есебінен іске асырылатын қатты тұрмыстық қалдықтармен жұмыс істеу саласындағы инвестициялық жобаларды (ҚТҚ) жеңілдікпен қаржыландыру тетігін бекітті, деп хабарлайды El.kz ақпарат агенттігі.
Қаржыландыру жылдық 3% сыйақы мөлшерлемесімен 15 жылға дейінгі мерзімге беріледі. Бағдарламаға қатысудың міндетті шарты бизнес тарапынан кемінде 20% мөлшерінде қоса қаржыландыру болып табылады, оның ішінде кемінде 10% – ақшалай нысанда.
Бүгінгі таңда жалпы сомасы 307,1 млрд теңгеге 64 жоба мақұлданды, оның ішінде:
53,8 млрд теңге сомасына 16 жоба «Өнеркәсіпті дамыту қоры» АҚ («ӨДҚ» АҚ) мақұлданды, оның ішінде 9 жоба 42,5 млрд теңге сомасына «Жасыл даму» АҚ қаржыландырылды.
35,2 млрд теңге сомасына 10 жоба «ӨДҚ» АҚ-да сараптама сатысында тұр.
Қалған 38 жоба бойынша 165,9 млрд теңге сомаға инвесторлар құжаттаманы дайындауды жүзеге асырады.
«Жасыл даму» АҚ кәдеге жарату алымының операторы ретінде ҚТҚ қайта өңдеу, сұрыптау және кәдеге жарату саласындағы инфрақұрылымды дамытуға бағытталған жобаларды іске асыруға толық қолдау көрсетеді. Жобалар ҚР Экология және табиғи ресурстар министрлігімен (ҚР ЭТРМ), жергілікті атқарушы органдармен (ЖАО) және «Атамекен» ҰКП-мен келісуді қоса алғанда, көп сатылы тексеруден өтеді.
Қаржыландыру тәртібі келесі кезеңдерді қамтиды:
1. «ӨДҚ» АҚ-ға өтінім беру;
2. Құжаттар топтамасын ҚР ЭТРМ-не жолдау және жобаның қажеттілігін растау;
3. Инвестициялық штаб отырысын өткізу және қорытынды беру;
4. Құжаттардың толық топтамасы болған кезде 30 жұмыс күні ішінде «ӨДҚ» АҚ-да жобаға сараптама жүргізу.
Жобаларға қойылатын негізгі талаптар коммерциялық ұсыныстың, техникалық құжаттаманың, бәсекеге қабілеттілікті растайтын баламалы ұсыныстардың және тәуелсіз сараптамалардың, оның ішінде Экологиялық және техникалық сараптамалардың қорытындыларының болуы болып табылады.
«Жасыл даму» АҚ бағдарламаны іске асыру қалдықтармен жұмыс істеу жүйесін жаңғыртуға ғана емес, қайта өңдеу саласын дамыту және жаңа жұмыс орындарын құру арқылы ел экономикасын ынталандыратынын атап өтті.
Айта кету керек, ҚТҚ зауыттарын салу бойынша жобалар капиталды қажет ететін жобалар және көп жағдайда greenfield-жобалар болып табылады. Мұндай жобаларды қаржыландыру құрылымдаудың күрделі схемасы, ұсынылатын кепілдіктердің тәуекелдерін мұқият бағалау, оңтайлы қаржылық жүктемені айқындау мақсатында өтініш берушіде бар өзге кредиторлармен өзара іс-қимыл және өзге де маңызды факторлар сияқты факторлармен ұштасады.
Жалпы сомасы 35 млрд теңгеге өрт сөндіру техникасын сатып алуды қаржыландыру да аяқталды. Қаражат несиелік келісім бойынша «Өнеркәсіпті даму қоры» АҚ-на аударылды. Қаржыландыру Қазақстан Республикасының Экологиялық кодексінің талаптарына сәйкес өндірушілер мен импорттаушылардан алынған қайта өңдеу төлемдері есебінен жүзеге асырылды.
Бұл қаржыландыру 1000-ға жуық өрт сөндіру техникасын сатып алуға мүмкіндік береді. Орман шаруашылығы және жануарлар дүниесі комитетінің ұйымдарына жалпы сомасы 15 миллиард теңгеге 400-ге жуық техника жеткізілсе, жергілікті атқарушы органдар жалпы сомасы 20 миллиард теңгеге 600-ге жуық техника сатып ала алады деп күтілуде.
«Жасыл Даму» АҚ инновациялық технологиялар мен инфрақұрылымға инвестиция салу арқылы тұрақты дамуға, көміртегі ізін азайтуға және халықтың өмір сүру сапасын жақсартуға бағытталған жобаларды қолдайды.
Қысқа да нұсқа. Жазылыңыз telegram - ға