Екінші дүниежүзілік соғыста қаза тапқан екі әскердің сүйегі елге жеткізілді
Астанада Қарулы күштердің Ұлттық әскери-патриоттық орталығында 1941-1945 жылдардағы соғыста қаза тапқан қазақстандық жауынгерлердің сүйегін жақындарына тапсыруға арналған салтанатты рәсім өтті, деп хабарлайды El.kz ақпарат агенттігі.
Оған Қорғаныс министрлігінің өкілдері, Қарулы күштердің ардагерлері, «Atamnyn Amanaty» ҚБ, «Әскери-патриоттық және іздестіру қозғалысы қауымдастығы» РҚБ өкілдері, Қарулы күштер Ұлттық әскери-патриоттық орталығының әскери қызметшілері қатысты.
Бейнеконференцбайланыс режимінде өткен шараға Петропавл қаласы мен Жетісу облысы Алакөл ауданы әкімдіктерінің өкілдері қосылды.
Бүгін майданда қаза тапқан қазақстандық жауынгерлер туған топырағына оралды. Хабарсыз кеткендердің тағдыры олардың ұрпақтарын әлі күнге дейін алаңдатады. Олар аталары мен әкелерінен қандай да болса хабар күтеді. Ұрпағы үшін өз өмірлерін құрбан еткен барлық жауынгерлер мәңгі есімізде, - деп атап өтті Тәрбие және идеологиялық жұмыс департаментінің бастығы әділет полковнигі Тілеухан Басқожаев.
Іздестірушілердің ерік-жігерінің арқасында екі қазақстандық қызыләскер: 1913 жылы туған Иван Сурнин мен 1903 жылы туған Филипп Парасенконың тағдыры белгілі болды.
117 жеке атқыштар бригадасының қызыләскері Иван Филиппович Сурнинді «Поколение» іздестіру жасағының іздеушілері Тверь облысы, Оленин муниципалды округі, Дроничено елді мекенінен тапқан. Ол Солтүстік Қазақстан облысының Преснов аудандық әскери комиссариатынан шақырылған.
Алматы облысының тумасы Филипп Лаврентьевич Парасенконың сүйегін аймақтық «Фронтовые дороги» әскери-патриоттық іздеу клубының іздеушілері іздеп тапқан. Ол Алматы облысының Алакөл ауданынан шақырылған.
Солтүстік Қазақстан облысында Иван Сурниннің немересі Галина Самсонова тұрады.
Атамыздың Отанына оралғаны үшін Қорғаныс министрлігі мен ресейлік іздеушілерге шын жүректен алғыс айтамын. Атамыз қызының жанына жерленетін болады. Анам әкесінің ауыр шайқаста қаза тапқанын білетін. Ол бұл туралы соғыстан аман оралған атамның қарулас досынан естіп білген, – дейді Галина Тарасовна.
Қысқа да нұсқа. Жазылыңыз telegram - ға