Екібастұзда тоғыз қазандық агрегаты іске қосылады
Қалада жедел штаб отырысы өтті
Павлодар облысы әкімінің бірінші орынбасары Хасар Хабылбеков коммуналдық қызметтер, «Екібастұзжылуэнерго» ЖШС, сондай-ақ қаланың күш құрылымдары өкілдерінің қатысуымен жедел штаб отырысын өткізді, деп хабарлайды El.kz ақпараттық агенттігі Pavlodarnews.kz-ке сілтеме жасап.
Екібастұз қаласы әкімі баспасөз қызметінің мәліметінше, шаһар басшысы Аян Бейсекин жақын арада «Екібастұзжылуэнерго» ЖШС бір тәулік ішінде кемінде 7 қазандық агрегатының жұмысын қамтамасыз етуі өте маңызды екенін атап өтті, өйткені бірнеше күннен кейін ауа температурасы төмендейді деп күтілуде.
«Павлодарэнерго» АҚ бас директорының міндетін атқарушы Вадим Лесиннің айтуынша, алдағы күндердегі ауа райы болжамын ескере отырып, ағымдағы жылдың 9 қаңтарына дейін 9 қазандық агрегатын іске қосу жоспарлануда.
Облыс әкімінің бірінші орынбасары ЖЭО-да техникалық аудитті жедел жүргізуге ерекше назар аударды.
Бүгінгі күні «Екібастұзжылуэнерго» ЖШС тарапынан техникалық аудит жүргізу қызметтеріне шартқа қол қойылды, шарт құрамына «Павлодартехэнерго» ЖШС, «ЭНЭКО» ЖШС және «СЕВКАЗЭНЕРГОПРОМ» ЖЗҚ ЖШС кіретін консорциум түріндегі контр-агенттерге қол қою үшін берілді, - деп атап өтті Вадим Лесин.
Жұмыс кеңесі барысында Павлодар облысы әкімінің орынбасары «Екібастұзжылуэнерго» ЖШС бас директорының міндетін атқарушы Дмитрий Захаровтың ЖЭО жұмысына қатысты есебін тыңдады.
Ағымдағы жылғы 6 қаңтардағы жағдай бойынша жұмыста 4 қазандық агрегаты бар: 2 энергетикалық және 2 бу агрегаты, қалған 5 қазандық агрегаты жөндеуде. №6, №9, №12, №13 және №15 қазандық агрегаттары бойынша жөндеу жұмыстарын ұйымдастырамыз. Бүгін сағат 21.00-ге дейін №9, №12 және №13 қазандық агрегаттарын жөндеу жұмыстарын аяқтау жоспарлануда. № 15 қазандық агрегаты – тәулік ішінде, №6 қазандық агрегаты 8 қаңтарында қолданысқа енгізіледі, - деді Дмитрий Захаров.
Тыңдау қорытындысы бойынша облыс әкімінің бірінші орынбасары сапалы нәтиже дұрыс қойылған міндеттер мен оларды мерзімінде шешуге байланысты екенін атап өтті.
Егер қысқа мерзімді кезеңдегі ағымдағы жағдайды ескерер болсақ, онда «Екібастұзжылуэнерго» ЖШС алдағы күндері 9 қазандық агрегатын енгізу бойынша барлық қажетті күш-жігер мен шараларды қабылдауы және жалпы қала бойынша жылудың температуралық параметрлерін қалыпқа келтіруі қажет, - деп тапсырды Хасар Хабылбеков.
Естеріңізге сала кетейік, жетінші қаңтарға қараған түні жылу электр орталығында штаттан тыс жағдай орын алған болатын.
Қысқа да нұсқа. Жазылыңыз telegram - ға