Екібастұзда қосымша үш қазандық іске қосылды
Бұл туралы Pavlodarnews.kz мәлімдеді
Облыс әкімі Асайын Байханов Instagram желісінде жылу станциясынан жағдай туралы баяндап, бейнежазба жариялады, деп хабарлайды El.kz ақпараттық агенттігі.
Түнгі сағат 02:30 болып қалды. Біз бәріміз Екібастұз жылу станциясындамыз. Қосымша үш қазандық жұмысқа берілді. Жылу параметрлерінің көтерілуін күтудеміз, - деді Асайын Байханов.
Қазіргі кезде жұмыста алты қазандық агрегаты № 5, 6, 9, 11, 12, 13 (3 су жылыту арқылы және 3 энергетикалық) бар.
Бүкіл қаланың жүйесіндегі желілік суды толық жылыту үшін 8-9 сағат қажет. Таңертеңге дейін 65-70 градус температураның оңтайлы параметрлеріне жету жоспарлануда, бұл тұрғын үйлерді жылумен қамтамасыз етудің жақсарғанын сезінуге мүмкіндік береді, - деді облыс әкімі.
Облыстық әкімдіктің мәлімдеуінше, таңғы сағат 07:00-дегі жағдай бойынша ЖЭО-дан шығатын (берілетін) желілік судың температурасы 62 градусты құрайды.
Еске салайық, 18 ақпан күні сағат 04:55-те ЖЭО-дағы желілік су ысырмасы аймағында тығын сынған. Құбырдың зақымданған жерін анықтау үшін №12, 13, 15 қазандық агрегаттары мен желілік сорғылар кезекпен тоқтатылды. Станция қызметкерлері дереу зақымданған жерді кесіп, жөндеу жұмыстарын бастады.
Станцияның жұмысы тоқтатылмаған. №5, 6, 9 үш энергетикалық қазандық пен электр сорғылары жұмыс істеп тұрған. Желідегі су айналымы төмендетілген параметрлерде қамтамасыз етілді.
Посмотреть эту публикацию в Instagram
