Жаңалықтар

Димаш Құдайбергенов жанкүйерлерін бірнеше жақсы жаңалықпен қуантты

Қазақтың біртуар әншісін кеше Рим Папасы Франциск медальмен марапаттады

Фото: ТАСС

Фото: ТАСС 15.09.2022 17:17 2300

Димаш жанкүйерлерін осы аптада бірнеше жақсы жаңалықпен қуантты, деп хабарлайды El.kz.

Қазақтың біртуар әншісін кеше Рим Папасы Франциск медальмен марапаттады. Бұл қуанышымен әнші әлеуметтік желідегі парақшасында бөлісті.

Сондай-ақ, Димаш осы аптада “Бір аспанның хикаясы” атты бейнебаянының тизерін жариялады. 12 минуттық туындыны шығару үшін әнші үш жыл еңбектенген. Бейнебаянның мәні - адамзатты бірлікке шақыру.

Димаштың өзі: “Бұл - “ең қымбат клип””,- дейді. Ал жексенбі Димаш Құдайбергенов Лас- Вегастағы T-Mobile аренасында Қазақстанның әнұранын шырқайды. Бұл күні осы рингте жерлесіміз Геннадий Головкин Сауль Канело Альвареспен кезекті кездесуін өткізеді.