Әділбек Сәрсембаев Индустрия вице-министрі қызметінен босатылды
Ол 2021 жылғы наурыздан бастап ҚР индустрия және инфрақұрылымдық даму вице-министрі болып қызмет етті
Әділбек Сәрсембаев 1978 жылы Целиноград қаласында (қазіргі Нұр-Сұлтан қаласы) дүниеге келген.
Қазақ мемлекеттік заң академиясын «юриспруденция» мамандығы бойынша бітірген.
Еңбек жолын 1996 жылы ҚР ҚМ Салық инспекциясының жеке тұлғалардың кірістеріне салық салу бөлімінің салық инспекторы болып бастады.
2001 жылдан 2006 жылға дейін Астана қаласы әкімінің аппаратында, ҚР Көлік және коммуникациялар министрлігінде, ҚР Президенті Әкімшілігінде түрлі басшылық қызметтер атқарды.
2007-2009 жылдары — Петропавл қаласы әкімінің бірінші орынбасары, СҚО әкімі аппаратының басшысы.
Түрлі жылдары жеке меншік құрылымдарда жұмыс істеді, ұлттық компаниялар мен мемлекеттік мекемелерде басшылық қызметтерде болды.
2016-2020 жылдары Нұр-Сұлтан қаласындағы Алматы ауданының әкімі қызметін атқарды.
2020-2021 жылдары — «Қазақстан инжиниринг» ҰК» АҚ басқарма төрағасы.
2021 жылғы наурыздан бастап ҚР индустрия және инфрақұрылымдық даму вице-министрі болып қызмет етті.
Қысқа да нұсқа. Жазылыңыз telegram - ға