Дәрігерлер науқастан 19 литр сұйықтығы бар кистаны алып тастады
Фото: Денсаулық сақтау министрлігі
Фото: Денсаулық сақтау министрлігі
10.03.2025 20:31
232
Ғ.Сұлтанов атындағы Павлодар облыстық ауруханасында гинеколог дәрігерлер науқастан 19 литр сұйықтығы бар алып кистаны алып тастады. Операция сәтті өтті, деп хабарлайды El.kz ақпарат агенттігі.
55 жастағы пациент іш қуысы мен жамбастағы көлемді ісікке байланысты жоспарлы операция жасау үшін ауруханаға жіберілген. Операция 2,5 сағатқа созылды, оның барысында 19 литр сұйықтық алынып тасталды.
Денсаулық сақтау министрлігі науқастың операциядан кейінгі кезеңі асқынусыз өіп жатқанын атап өтті. Пациенттің жағдайы қалыпты. Ол ауруханада тағы бір апта болады деп күтілуде. Бақылау талдаулардан кейін дәрігерлер оны шығару туралы шешім қабылдай алады.
Бөлісу:
Қысқа да нұсқа. Жазылыңыз telegram - ға