Алматыда жалпықалалық сенбілік өтеді

Алматыда ағымдағы жылдың 19 қазанында көшелер мен аула аумақтарын, арықтарды, су қоймаларын тазарту бойынша жалпықалалық сенбілік өтеді, деп хабарлайды BNews.kz Алматы қаласы әкімінің баспасөз қызметіне сілтеме жасап.

Алматылықтар 28 гвардияшы-панфиловшы паркін, «Оңтүстік», «Достық» парктері мен Ғ.Мүсірепов атындағы , И.Шухов атындағы саябақтарды, «Шугла» кинотеатры маңын тазалауға қатысады. 

Негізгі іс-шара Мәдениет және демалыс орталық паркінде өтеді. Онда қалалық веложарыстың мәресі болады. Мұнда тікенді және жалпақ жапырақты ағаштар отырғызылады.

Қазіргі таңда аталмыш паркті коммуналдық меншікке қайтару үдерісі жүріп жатыр. Сенбілік соңында Мәдениет және демалыс орталық паркін көркейту мәселелері бойынша БАҚ-қа арналған брифинг өтеді.

Қысқа да нұсқа. Жазылыңыз telegram - ға