Шығыс Қазақстан облысындағы Бұқтырма арқылы өтетін көпір құрылысына тағы 15 млрд теңге қажет, деп хабарлайды El.kz ақпарат агенттігі.
Қазақпараттың жазуынша, президент Қасым-Жомарт Тоқаевтың тапсырмасымен Шығыс Қазақстандағы Күршім мен Самар аудандарын жалғайтын «Қызыл ту» өткеліне көпір салынып жатып. Ал көпір құрылысы 2024 жылға дейін аяқталады деп жоспарланған.
ШҚО Жолаушылар көлігі және автомобиль жолдары басқармасының хабарлауынша, қазіргі уақытта Күршім мен Самар жақтағы екі жағалауда да тіреуіштер салынуда. Уақытша көпір салынып бітті, онда құрылыс-монтаждау жұмыстары жүргізілуде.
Биыл көпір құрылысына 5 млрд теңге бөлінген. Алайда бұл сома жеткіліксіз. Тағы да 15 млрд теңге қажет. Бұл еліміздегі ең ұзын көпір болмақ. Оның ұзындығы 1316 шақырымды құрайды. Көпір салынған соң облыстың көлік логистикасы түбегейлі өзгеріп, бірден үш аудан – Күршім, Тарбағатай және Зайсан тұрғындарының Өскеменге қатынауы жеңілдейді. Көпір тәулігіне 20 мыңнан астам көлікті өткізеді деп болжануда, - дейді басқарма басшысы Нұржан Жұмаділов.
Қысқа да нұсқа. Жазылыңыз telegram - ға