Бүгін бірнеше өңірде ауа райына байланысты ескерту жарияланды
17 қазанда еліміздің бірнеше өңірінде ауа райына байланысты дауылды ескерту жарияланды, деп хабарлайды El.kz ақпарат агенттігі.
Синоптиктердің болжамына сүйенсек, Атырау облысының батысында, оңтүстігінде тұман күтіледі.
Алматы облысының оңтүстігінде, тау етегіндегі, таулы аудандарында тұман түседі.
Алматыда 17 қазанда түнде тұман түседі.
Қызылорда облысының солтүстігінде, орталығында тұман, түнде 1-6 градус үсік сақталады.
Түркістан облысының солтүстігінде, батысында, таулы және тау бөктерлі аудандарында тұман түседі. Шығыстан жел соғады, күндіз облыстың тау асуларында күші - 15-20 м/с. Түнде облыстың солтүстігінде, батысында, таулы және тау бөктерлі аудандарында 3 градус үсік.
Шымкентте түнде және таңертең тұман түседі, түнде 1-3 градус үсік болады.
Маңғыстау облысының батысында нөсер жаңбыр жауады, найзағай ойнайды. Оңтүстік-шығыстан жел соғады, күндіз облыстың батысында, оңтүстігінде екпіні - 15-20 м/с.
Ұлытау облысының шығысында көктайғақ болады. Түнде және таңертең облыстың солтүстігінде, шығысында тұман.
Батыс Қазақстан облысының батысында, солтүстігінде тұман түседі.
Павлодар облысының солтүстігінде, оңтүстігінде тұман болады.
Қысқа да нұсқа. Жазылыңыз telegram - ға