Бүгін Азия Ойындарында қазақстандық 4 боксшы сынға түседі
![Бүгін Азия Ойындарында қазақстандық 4 боксшы сынға түседі Бүгін Азия Ойындарында қазақстандық 4 боксшы сынға түседі](/storage/storage/element/2023/10/01/mainphoto/70580/1200xauto_g5OCBcRjtBrgVe5Lm5towO8Op0cL3KfvQ5oX0nS9.jpg)
1 қазанда Ханчжоуда (Қытай) өтіп жатқан Азия ойындарында Қазақстан құрамасынан төрт боксшы шаршы алаңға шығады, деп хабарлайды El.kz ақпарат агенттігі ҚазАқпарат-қа сілтеме жасап.
Күндізгі сессияда Қазақстан атынан екі спортшы қатысады. Астана уақытымен сағат 13:15-те Наталья Богданова шаршы алаңға шығады. 66 келіге дейінгі салмақта өнер көрсететін спортшымыз ширек финалда моңғолиялық Цэцэгдари Мягмарсурэнмен кездеседі.
Сағат 14:45-те 92 келіге дейінгі салмақтағы Сағындық Тоғамбай жартылай финалдық жекпе-жек өткізеді. Ол қытайлық Хань Сюэчжэньмен жұдырықтасады. Бұл жекпе-жектердің тікелей трансляциясын Qazaqstan телеарнасынан көруге болады.
Кешкі сессияда Қазақстанның екі спортшысы шаршы алаңға шығады. Сағат 17:15-те 57 келіге дейінгі салмақта Карина Ибрагимова моңғолиялық Намуун Монхормен ширек финалдық жекпе-жек өткізеді.
Сағат 19:00-де 63,5 келіге дейінгі салмақтағы ширек финалда Ертуған Зейнуллинов Моңғолияның тағы бір өкілі Чинзориг Баатарсухиинмен кездеседі. Бұл жекпе-жектерді Qazsport телеарнасы тікелей эфирде көрсетеді.
![Telegram](https://el.kz./static/site/images/tel26.png)