БҚО-да жылқы мен жеңіл көліктің соқтығысуынан бір адам көз жұмды
![БҚО-да жылқы мен жеңіл көліктің соқтығысуынан бір адам көз жұмды БҚО-да жылқы мен жеңіл көліктің соқтығысуынан бір адам көз жұмды](/storage/storage/element/2023/06/13/mainphoto/54674/1200xauto_DkvDmaxAmPMgMOAJGmawCfFSpzMem2IbyYXoqg8h.jpg)
Бүгін таңертең 05:20 шамасында БҚО-дағы Казталов аудандық ПБ-ге Казталовка-Жәнібек автожолының 18 шақырымында жол апаты болғаны туралы хабарлама түсті. Lada-2110 автокөлігінің жүргізушісі жылқымен соқтығысқан. Бұл туралы ҚР ІІМ баспасөз қызметіне сілтеме жасай отырып El.kz ақпарат агенттігі хабарлайды.
Cалдарынан 30 жастағы жүргізуші оқиға орнында көз жұмды. ҚР ҚК 345-бабының 3-бөлігі бойынша сотқа дейінгі тергеу амалдары басталды.
Полиция қызметкерлері жылқының иесін анықтап, тапты. Ол Казталов ауданына қарасты Бірік ауылының 35 жастағы тұрғыны. Оған қатысты ҚР ӘҚБтК 408-бабы бойынша әкімшілік хаттама толтырылды. Бұдан басқа, қазір жылқы иесіне қатысты шешім қабылдау бойынша ветеринариялық инспекцияға жіберу үшін ҚР ӘҚБтК 406-бабы бойынша материал жинақталады.
![Telegram](https://el.kz./static/site/images/tel26.png)