БҚО-да полиция қызметкері жаяу жүргіншіні қағып мерт қылды
Фото: Polisia.kz
Фото: Polisia.kz
08.01.2025 23:05
259
Батыс Қазақстан облысында полиция қызметкері көлігімен ер адамды қағып мерт қылды. Оқиға Меловые горки ауылында болған, деп хабарлайды El.kz ақпарат агенттігі.
Көлікті тізгіндеген жүргізуші Ақжайық аудандық ПБ көші-қон қызметінің қызметкері болып шықты.
Облыстық ПД жол-көлік оқиғасын растады және көлікті тізгіндеген полицей ішкі істер органынан шығарылғанын атап өтті. Медициналық куәландыру нәтижесінде тәртіп сақшысы ішімдік ішпегені анықталған.
Қылмыстық кодекстің 345-бабының 3-бөлігі бойынша іс қозғалды. Қызметтік тексеру жүргізілуде,-делінген полиция мәліметінде.
Алдын ала мәліметтер бойынша жол апаты жарықтандырылмаған жолда болған және жүргізуші қарсы келе жатқан көліктің шамдарына шағылысып қалған.
Бөлісу:
Қысқа да нұсқа. Жазылыңыз telegram - ға