БҚО-да мемлекеттік орган қызметкерлері 162 млн теңге бюджет қаражатын жымқырған
![БҚО-да мемлекеттік орган қызметкерлері 162 млн теңге бюджет қаражатын жымқырған БҚО-да мемлекеттік орган қызметкерлері 162 млн теңге бюджет қаражатын жымқырған](/storage/storage/element/2023/06/30/mainphoto/57492/1200xauto_TOHEs29rSNY3CuOW7xMOj1Z3XUjElg4tB20mXqnt.jpg)
«Теректі - таза су» лауазымды тұлғалары бюджет қаражатын жымқырғаны үшін сотталды, деп хабарлайды El.kz ақпарат агенттігі.
БҚО-дағы Теректі аудандық сотымен «Теректі - таза су» мемлекеттік кәсіпорнының лауазымды тұлғаларына қатысты үкім шықты. Сот үкімімен кәсіпорын директоры 7,5 жылға және бас бухгалтер 7 жылға бас бостандығынан айырылды.
Антикор мәліметінше, екеуі де өзіне және ұйым қызметкерлеріне жалақыны артық аудару, сондай-ақ жеткізушілерге нақты орындалмаған жұмыстар үшін бюджет қаражатын негізсіз аудару арқылы 162 миллион теңге сомасында бюджет қаражатын жымқырды деп айыпталды.
Сотталғандар өмір бойы мемлекеттік қызметте, жергілікті өзін-өзі басқару органдарында, қаржы ұйымдарында және квазимемлекеттік секторда лауазымды қызмет атқару құқығынан айырылды, - делінген мәліметте.
Сот үкімі заңды күшіне енген жоқ.
![Telegram](https://el.kz./static/site/images/tel26.png)