Бизнестің ірілігіне, оның мүмкіндігіне қарай салықтық жүктеме артылады - сарапшы
Бүгін мемлекет басшысы отандық бизнес өкілдерімен кездесу өткізген болатын. Президент осы жиында Үкіметке қосымша құн салығы мәселесін тағы да пысықтауды тапсырып, «Кез келген реформаны жан-жақты сараптап, байыппен жүргізген жөн» деген болатын. Осы ретте El.kz ақпараттық агенттігі экономикалық шолушы, PR маманы Айбар Олжаевтың пікірін білген еді.
Мемлекет басшысы компромистік шешімге алып келе жатқан сыңайлы. Егер айналымы белгілі бір шектен асса, белгілі бір көлемдегі қосымша құн салығы салынады. Мәселен, айналымы төмендеу болса, сәйкесінше, қосымша құн салығын аз төйлейді. Жалпы бұл процесс прогрессивті шкала бойынша жүзеге асатын болады. Бәріне бірдей ортақ көтерілу болмайды, бизнестің ірілігіне, оның мүмкіндігіне қарай салықтық жүктеме артылады деп ойлаймын. Әділ болатыны сөзсіз,- дейді сарапшы.
Оның айтуынша, Үкімет салық арқылы барынша бюджеттің дефицит проблемасын шешуге тырысты.
Қосымша құн салығының прогрессивті жартылай көбейтілгенінен мемлекет бюджетінің проблемасы шешіледі ме?» деген сұрақ туындайды. Десе де бұл сұрақтардың шешімін біраз уақыт өткен соң ғана таба аламыз, - деп нақтылады Айбар Олжаев.
Қысқа да нұсқа. Жазылыңыз telegram - ға