Биыл қандастарға қанша квота бөлінгені белгілі болды
Бұл туралы Еңбек және халықты әлеуметтік қорғау министрлігі мәлім етті
Фото: baq.kz
Фото: baq.kz
05.01.2023 14:11
1731
Еңбек және халықты әлеуметтік қорғау министрінің 2022 жылғы 30 желтоқсандағы бұйрығымен қандастар мен қоныс аударушыларды қабылдаудың 2023 жылға арналған өңірлік квотасы белгіленді, деп хабарлайды El.kz ақпараттық агенттігі.
Атап айтқанда:
- қандастарды қабылдаудың 2023 жылға арналған өңірлік квотасы - 1925 адамды;
- қоныс аударушыларды қабылдаудың 2023 жылға арналған өңірлік квотасы - 6727 адамды құрады.
Айта кетсек, биыл қандастар мен қоныс аударушыларды қабылдау квоталары ұлғайтылды. Мәселен, 2022 жылы қандастарды қабылдауға арналған өңірлік квота - 1499 адам, ал қоныс аударушыларды қабылдауға арналған өңірлік квота - 6587 адам болып белгіленді.
Ұлттық статистика бюросының мәліметіне қарағанда, 2022 жылдың 1 желтоқсанына Қазақстанға 17 888 этникалық қазақ оралып, қандас мәртебесін алды. Ал 1991 жылдан бастап республикаға 1 млн 105,7 мың этникалық қазақ оралды.
Бөлісу:
Қысқа да нұсқа. Жазылыңыз telegram - ға