Биыл 8800 шақырым автомобиль жолдары жөнделеді
Биылғы жол-құрылыс маусымы көлік инфрақұрылымының маңызды бағыттарын қамтиды. Бұл туралы «ҚазАвтоЖол» ҰК» АҚ басқарма төрағасы Дархан Иманашев ОКҚ алаңында өткен баспасөз конференциясында айтты, деп хабарлайды El.kz ақпарат агенттігі.
Жол саласын жаңғырту мақсатында 8800 шақырым автомобиль жолдарында түрлі жөндеу жұмыстары жүргізілмек. Оның ішінде, 2100 шақырымда құрылыс және қайта жаңарту; 460 шақырымда күрделі жөндеу және 6300 шақырымда орташа жөндеу жұмыстары.
Жоспарланған жұмыстарды орындауға шамамен 10 000 бірлік жол техникасы, 27 асфальтбетон зауыты және 25 мың маман жұмылдырылады. Жобаларды іске асыру барысында 9,4 млн тонна асфальтбетон қоспасы, 12 миллион текше метр қиыршық тас және 500 000 тонна битум қолдану жоспарланған. Барлық жобаларды жүзеге асыру үшін шамамен 781 млрд теңге көлемінде қаржы қарастырылған, - деді ол.
Қысқа да нұсқа. Жазылыңыз telegram - ға