Жаңалықтар

Биыл 18,4 мыңнан астам жұмыскердің құқығы қорғалды

Бұл туралы Еңбек және халықты әлеуметтік қорғау министрлігі мәлім етті

Фото: egemen.kz

Фото: egemen.kz 22.12.2022 10:22 1246

Биылғы жылғы 1 желтоқсандағы жағдай бойынша мемлекеттік еңбек инспекторлары республиканың 855 кәсіпорнында 19,7 мың жұмыскердің алдында 4 млрд 670,2 млн теңгеден астам сомаға жалақы бойынша берешекті анықтады, деп хабарлайды El.kz ақпараттық агенттігі.

Осы кәсіпорындардың басшыларына орындалуы міндетті 865 нұсқама беріліп, 140,8 млн теңгеден астам сомаға айыппұл салынды.

Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 18,4 мыңнан астам жұмыскердің құқықтары қорғалды. Оларға 4 млрд 448,6 млн теңге төленді.

Бөлісу: