Бірнеше өңірде дауылды ескерту жарияланды
Алдағы үш күнде қатты жауын-шашын түсіп, көктайғақ болуы мүмкін![Бірнеше өңірде дауылды ескерту жарияланды Бірнеше өңірде дауылды ескерту жарияланды](/storage/storage/element/2023/02/03/mainphoto/36056/1200xauto_LFYHv7nCuz1kBeJEnJKE2VxVSLhSHijuuWaC6NT6.jpg)
Еліміздің бірнеше өңірінде дауылды ескерту жарияланды, деп хабарлайды El.kz Қазгидромет-ке сілтеме жасап.
2-5 ақпан аралығында Алматы, Жамбыл, Түркістан облыстарында қатты жауын-шашын, көктайғақ орын алуы ықтимал.
Түркістан облысында 4 ақпанда түнде және таңертең оңтүстігінде, таулы аймақтарында және тау бөктерінде, 5 ақпанда таулы аймақтарында қатты жауын-шашын (жаңбыр, қар) жауады. Облысының оңтүстігінде, батысында, таулы аймақтарында және тау бөктерінде тұман күтіледі. Облыстың солтүстігінде, таулы аймақтарында көктайғақ күтіледі. Батыстан, оңтүстік-батыстан жел соғады, 3 ақпанда таулы аймақтарында 15-20 м/с, 04-05 ақпанда оңтүстікте, таулы аймақтарында және тау бөктерінде 15-20 м/с-қа жететін жел соғады, - делінген хабарламада.
Шымкент қаласында 4 ақпанда түнде және таңертең қатты жауын-шашын (жаңбыр, қар) жауады.
Алматы облысында 5 ақпанда жауын-шашын, облыстың таулы аймақтарында қатты жауын-шашын (жаңбыр, қар) жауады. Таулы аймақтарында және тау бөктерінде тұман, 05 ақпанда көктайғақ күтіледі. Оңтүстік-батыстан соғатын жел шығысқа ауысады, облыстың оңтүстігінде екпіні 15-20 м/с.
Жамбыл облысында 5 ақпанда облыстың таулы аймақтарында және тау бөктерінде қатты жауын-шашын (жаңбыр, қар) жауады. Облыстың батысында, оңтүстігінде, таулы аймақтарында және тау бөктерінде тұман, көктайғақ күтіледі. Оңтүстік-батыстан жел соғады, облыстың оңтүстігінде, оңтүстік-батысында, солтүстік-шығысында, таулы аймақтарында 15-20, екпіні 23-28 м/с.
![Telegram](https://el.kz./static/site/images/tel26.png)