Бір топ адам АҚШ-тан Қазақстанға пошта арқылы есірткі жіберген

Бір топ адам Қазақстанға АҚШ-тан халықаралық пошта жөнелтілімдері арқылы есірткі жеткізбек болды, деп хабарлайды El.kz ақпарат агенттігі.

Есірткі заттары басқа зат түрінде штаттардан Алматы қаласына жіберіліп, одан ары Астанаға жөнелтілген.

Елордалық ҚМА департаментінің қызметкерлері есірткі заттарын одан әрі бақыланатын жеткізуді жүзеге асырды. Сарапшының қорытындысына сәйкес, табылған заттың есірткі екені анықталды. Кептірілген марихуананың  жалпы салмағы 500 грамм. Сәлемдемені Астана тұрғыны алып, одан әрі орау үшін басқа азаматқа берді. Аталған азаматтар сәлемдемені қабылдау-тапсыру кезінде ұсталды. Олар УҰИ қамалды, - делінген Қаржы мониторинг агенттігінің хабарламасында.

ҚР ҚПК-нің 201-бабына сәйкес өзге де ақпарат жария етуге жатпайды.

Қысқа да нұсқа. Жазылыңыз telegram - ға