Бейбіт Жұқаев Мексикадағы жарыстың ширек финалына шықты
Фото: Қазақстан теннис федерациясы
Фото: Қазақстан теннис федерациясы
05.04.2024 10:51
952
Әлемнің 201-ракеткасы 23 жастағы қазақстандық Бейбіт Жұқаев Мехико (Мексика) челленджер турнирінің ширек финалына жолдама алды, деп хабарлайды El.kz ақпарат агенттігі.
Жарыстың 5-ракеткасы Жұқаев екінші айналымда рейтингіде 685-сатыда тұрған 18 жастағы мексикалық Родриго Пачеко Мендеспен өзара кім мықтыны анықтады.
Бұл жолы Бейбіт 1 сағат 13 минутқа созылған матчта қарсыласынан 6:3, 6:4 есебімен айласын асырды. Бейбіт осы уақыт ішінде 17 эйс жасап, 6 брейк-пойнттың екеуін пайдаланып үлгерді.
Қазақстандық теннисші жартылай финалға шығу үшін әлемнің 212-ракеткасы канадалық Алексис Галарномен сынға түседі.
Бөлісу:
Қысқа да нұсқа. Жазылыңыз telegram - ға